KATO KAWAN DEN, KATO JIRAN DEN

KATO kawan den, kato jiran den, sumbang mahram di kalangan umat Islam dah macam sambal belacan, dimakan dongan timun dan pegago!

Maksud kawan den, tak ada sambal belacan tak selero nak menjamah masakan bini. Kato jiran den pulak, salah eh bukan bapak haruan, tapi omak eh tak cukup jago laki eh. Omaknyo hari ini asyik kojo, kojo. Balik kojo lotih tak nak dio layan laki dio. Sobab itu laki dio merapu tak tontu halo!

Bilo nampak ajo anak tido tak balut apo-apo, apo laie, menggologak nafsu eh. Itu yang banyak berlaku maso ni. Ada pulak kato kawan, anak bilo dah kono tindih ngan ayah dio, buek muko selambo. Esok luso kono tindih laie, pun buek selambo yo. Kawan den golak bosar bilo den kato sobab apo anak eh diam. Sobab dah sodap.

Patut eh anak bagilah tau kek omak penghangai tak somonggah ayah dio. Ini tidak. Dalam kes totontu, sumo dalam keluargo kelam kelibut bilo tengok poghut anak dah boncit! Maso tu lah baru anak nak cito yang ayah dio buek kek dio.

Ini masalah bosar tapi kadang-kalo oghang kito ni sobab malu, tak maunyo dio poie kek rumah pasung buek report! Bodoh teramek!

Kata kawan den yang masuk paper, cumo satu duo kes. Tontu yang tak masuk paper banyak seboban failnyo kalau disiasat.

Ontahlah bapak hari ini. Binatang ko apo? Boghuk ko apo? Siamang ko apo?